 Sports Illustrated ամերիկյան ամսագրի ամենամյա վարկանիշի համաձայն՝ աշխարհի ամենաբարձր վարձատրվող մարզիկը գոլֆիստ Թայգեր Վուդսն է։ Թայգեր Վուդսի եկամուտները 2010թ. կազմել են 90,5 մլն դոլար։ Նախորդ տարվա համեմատ` Վուդսի եկամուտները 10 տոկոսով նվազել են, սակայն դա չի ազդել վարկանշային աղյուսակում գոլֆիստի դիրքի վրա։ 2008թ. նա վաստակել էր 127,9 մլն դոլար, այսպիսով՝ երկու տարում նրա եկամուտները նվազել են 40 տոկոսով։ Երկրորդ հորիզոնականում ևս մեկ ամերիկացի գոլֆիստ է՝ Ֆիլ Միքոլսոնը. 2010թ. նա վաստակել է ընդհանուր առմամբ 61,7 մլն դոլար։ Առաջատարների եռյակը եզրափակում է բռնցքամարտիկ Ֆլոյդ Մեյուեթեր կրտսերը՝ 60,2 մլն դոլար եկամուտով։ |
 Մալայզիայի իսլամական քարոզիչ Նոա Գագոտը հայտարարել է, որ մուսուլմաններին արգելվում է հագնել «Մանչեսթեր Յունայթեդի» մարզաշապիկ, քանի որ ակումբի խորհրդանիշի վրա պատկերված է սատանա: «Այդ ատրիբուտները կխաթարեն մեր հավատքը: Մուսուլմաններն իրավունք չունեն հագնել ակումբի մարզաշապիկը, իսկ նրանք, ովքեր արդեն ունեն, պետք է անմիջապես ապաշխարեն»,- հայտարարել է Գագոտը: Gazeta.ru-ն տեղեկացնում է, որ «Մանչեսթեր Յունայթեդը» մեծ ժողովրդականություն է վայելում Մալայզիայում եւ ակումբի շահութաբեր շուկաներից մեկն է: |
 Ասիայում անցկացվել է միանգամից երկու «կեղտոտ» միջոցառում։ Դրանցից առաջինը՝ Պորյոնի ամենամյա 13-րդ ցեխի փառատոնը, տեղի է ունեցել Հարավային Կորեայում։ Ծրագրում տեղ են գտել այնպիսի զվարճանքներ, ինչպիսիք են ցեխամարտը, վազքը ցեխի մեջ, մրցույթ «ցեխի արքա» տիտղոսի համար և այլն։Իսկ Ֆիլիպիններում Տաոնգ Պուտիկ փառատոնին (Ցեխոտ մարդկանց փառատոն) կաթոլիկները լողացել են ցեխի մեջ։ Միջոցառման ժամանակ կաթոլիկ հանրության անդամները իրենց պատում են ցեխով, բանանի տերևներով, ճյուղերով՝ փառաբանելով Հովհաննես Մկրտչին։
|
 Ֆուտբոլի Ֆրանսիայի ազգային հավաքականի խաղացողներ Ֆրանկ Ռիբերիին եւ Քարիմ Բենզեմային ներկայացվել է պաշտոնական մեղադրանք` անչափահաս մարմնավաճառուհի Զահիա Դեհարի հետ սեռական կապ ունենալու համար: The Guardian-ը հաղորդում է, որ պաշտոնական մեղադրանքը ներկայացվել է հուլիսի 20-ին, ուշ երեկոյան: Այս տարվա ապրիլին ֆրանսիական ոստիկանությունը Փարիզի հասարակաց տներում անչափահաս մարմնավաճառուհիների բացահայտելու գործի շրջանակում հարցաքննել էր նաեւ Դեհարին, որը հայտնել էր, թե իր ծառայություններից օգտվել են նաեւ հայտնի ֆուտբոլիստներ, այդ թվում Ռիբերին ու Բենզեման, նաեւ Սիդնեյ Գովուն: Սակայն, երբ Գովուն դարձել է Դեհարի հաճախորդը, աղջկա 18 տարին արդեն լրացած է եղել: Ռիբերին խոստովանել է, որ օգտվել է Դեհարի ծառայություններից, սակայն չի իմացել նրա տարիքը: Դեհարը հաստատել է, որ Ռիբերիին չի հայտնել իր անչափահաս լինելու մասին: 27 ամյա Ռիբերին ամուսնացած է, ունի երկու երեխա: |
 Վերջին շրջանում տարբեր լուրեր են շրջում «Արմենիա TV» հեռուստաընկերության բաժնետերերի խորհրդում առկա տարաձայնությունների վերաբերյալ: Շրջող լուրերի հավաստիությունը դեռեւս ապահովված չնկատելովՙ տեղեկացնում ենք առայժմ միակ հավաստին. փոփոխություն է կատարվել հեռուստաընկերության բաժնետերերի խորհրդումՙ մեծահարուստ հայտնի բարերար Ժերալդ Գաֆեսճյանը դուրս է եկել խորհրդի կազմից, իսկ նրա բաժնեմասը օտարվել է «Քոմեդի Քլաբ»-ի տեր Արթուր Ջանիբեկյանին, որին պատկանում է նաեւ ATV հեռուստաընկերությունը: Բնականաբար, իր բաժնեմասը պահպանել է Բագրատ Սարգսյանը, որն այս մասին արդեն հայտարարել էր վերջերս նույն հեռուստատեսությամբ ունեցած ելույթում:  |
|
Իռլանդական U2 խումբը 2009թ. հունիսից 2010թ. հունիսը վաստակել է շուրջ 130 մլն դոլար և Forbes ամսագրի կազմած աշխարհի ամենահարուստ երաժիշտների ցանկում գրավել առաջին տեղը։
Վարկանիշում 2-րդ տեղը զբաղեցնում է AC/DC-ն, որը վաստակել է 114 մլն դոլար, իսկ առաջատարների եռյակը եզրափակում է Բեյոնսե Նոուլզը 87 մլն դոլարով։ Նրան հետևում են Բրյուս Սպրինգստինը, Բրիթնի Սփիրսը, ռեփեր Jay-Z-ը, Լեդի Գագան, Մադոննան և քանթրի ոճի երգիչ Քեննի Չեսնին։ 10-րդ հորիզոնականը կիսում են Black Eyed Peas-ն ու Coldplay-ը, որոնցից յուրաքանչյուրը վաստակել է 48 մլն դոլար։ |
 Հուլիսի 16-ին, ժամը 23.35-ին, ՀՀ ԱԻՆ Սպիտակի հրշեջ մասից ոստիկանության Սպիտակի բաժնում հաղորդում է ստացվել, որ Շիրակամուտ գյուղում այրվում է 1930 թ. ծնված Էվելինա Մ.-ին պատկանող խոտի դեզը: Հրդեհը մարվել է գիշերը` ժամը 02.30-ի սահմաններում, մարտական 2 հաշվարկի ուժերով: Հրդեհի հետևանքով այրվել է Էվելինա Մ.-ին պատկանող 400 հակ խոտը` 270.000 դրամ ընդհանուր արժողությամբ: Ձեռնարկված օպերատիվ-հետախուզական միջոցառումների շնորհիվ պարզվել է, որ վրեժխնդրության շարժառիթով խոտի դեզը հրկիզել է Էվելինա Մ.-ի դստեր նախկին ամուսինը` 1954 թ. ծնված Գրիշա Ն.-ն: |
 Ինչպես հայտնի է, վերջերս ՀՀ գլխավոր դատախազությունը կոչով դիմեց ժամկետային զինվորական ծառայությունից խուսափող անձանց՝ հորդորելով նրանց ինքնակամ ներկայանալ զինվորական կոմիսարիատներ՝ միաժամանակ խոստանալով, որ այդ դեպքում նրանց նկատմամբ քրեական հետապնդումը կդադարեցվի։ Այս կոչը, հավանաբար, վստահություն չի ներշնչել հատկապես հայկական շոու բիզնեսի արական սեռի ներկայացուցիչներին։ Նրանցից ռեպ երգիչ Հայկոյի մասով Կենտրոնի զինկոմիսարիատում նյութեր են նախապատրաստվել և ուղարկվել ոստիկանության Կենտրոնի քննչական բաժանմունք, որտեղից էլ համապատասխան նյութերը կուղարկվեն ոստիկանության Արաբկիրի քննչական բաժին։ Մեր աղբյուրների փոխանցմամբ՝ երգիչը խուսափել է զինծառայությունից առողջական խնդիրների պատճառով։ Ի դեպ, Կենտրոնի քննչական բաժնում օրերս մենք հանդիպեցինք երգչին, որը քննիչի մոտ քրեական գործի շրջանակներում ցուցմունք էր տալիս։ |
 Գերմանիայի ֆուտբոլային հավաքականի պաշտպան Ֆիլիպ Լամից «օրինակ վերցնելով»` Իսպանիայի հավաքականի դարպասապահ Իկեր Կասիլյասը որոշել է ամուսնանալ: Իսպանիայի հավաքականի դարպասապահ Իկեր Կասիլյասը աշխարհի առաջնության եզրափակչում Հոլանդիայի հավաքականի հանդեպ տարած հաղթանակից հետո (1:0) ուղիղ եթերում համբուրել է իր ընկերուհուն` Սառա Կարբոներոյին, ով իսպանական հեռուստաընկերությունում լրագրողուհի է աշխատում:
|
 ՀՀ Հանրային Խորհրդի գիտության, կրթության, երիտասարդության և սպորտի հարցերի ենթահանձնաժողովը հուլիսի 15 ի նիստում քննարկելով ՀԽ նախագահ Վազգեն Մանուկյանի՝ կրթության հիմնախնդիրներին առնչվող բաց նամակում ամփոփված առաջարկությունները, հավանություն է տվել 18 տարին լրացած և զինծառայության ենթակա բոլոր երիտասարդների՝ բանակում ծառայելու, իսկ պարտադիր զինծառայությունը 1 և կես տարի դարձնելու առաջարկությանը: Այս մասին տեղեկանում ենք Հանրային խորհրդից ստացված հաղորդագրությունը։ |
| Քաղցրի չարաշահումը իմպոտետենցիայի պատճա՞ռ |
| Youtube-ը ցնցած գովազդը (տեսանյութ) |
| "Մայրիկ" ֆիլմը (դիտեք online) |
| (18+) Քիմ Քարդաշյանը մերկացել է բրիտանական Cosmopolitan-ի համար + մերկ ֆոտոշարք+ Cosmopolitan UK ամսագիր |
| Ո՞վ է զբաղվելու ՀՀ սպորտի և երիտասարդության հարցերով |
| Ողբում եմ քեզ հայոց աշխարհ, ողբում եմ քեզ... |
| Դարվինիզմ` Էվոլուցիա, գոյության կռիվ, բնական ընտրություն կամ ավելի ճիշտ No Comment |
| "Արտույտների ագարակը" ֆիլմը (դիտեք online) |