Արմեն Խաչիկյանի բլոգ

CNNTurk-ի փոխանցմամբ` դեպքը տեղի է ունեցել Ումրանիյեի շրջանում: 47-ամյա Սեբահաթթին Ալքանը, երազում տեսնելով, թե ինչպես են մերկանում կինն ու դուստրը, արթնացել ու խեղդամահ է արել նրանց:

Որոշ ժամանակ անց Ալքանը ոճրագործության մասին հայտնել է նույն տանն ապրող ավագ եղբորը, դուրս է եկել տնից և կատարվածի մասին պատմել փողոցում հերթապահություն անող ոստիկաններին, որոնք էլ ձերբակալել են մարդասպանին:

Թուրքական լրատվամիջոցի տեղեկացմամբ` Ալքանը նախկինում ունեցել է հոգեկան խանգարումներ, ինչի պատճառով նրանից հեռացել էր 48-ամյա կինը:

Հիվանդանոցում որոշ ժամանակ համապատասխան բուժում ստանալուց հետո Սեբահաթթին Ալքանը դուրս էր գրվել և համոզել կնոջը վերադառնալ: Ալքանը սպանության գիշերը խնդրել էր իր դստերը՝ 3 տարեկան որդու մայր, հղի 22-ամյա Սևգի Արսլանին այցելել իրենց: Աղջիկն էլ չէր մերժել հոր խնդրանքը: