Արմեն Խաչիկյանի բլոգ

"Մթնշաղ"(New Moon) վամպիրական ավանդավեպի աստղ Ռոբերտ Փեթինսոնը գլխավորել է 50 ամենասեքսուալ տղամարդկանց ցանկը։ Glamour ամսագրի կազմած վարկանշային աղյուսակում առաջին հնգյակի 4 հորիզոնականները զբաղեցնում են "Մթնշաղի" դերասանները՝ Թեյլոր Լոտները, որը ֆիլմում Էդվարդին մարմնավորող Փեթինսոնի հակառակորդն էր, զբաղեցրել է 2-րդ հորիզոնականը, իսկ 4-րդ և 5-րդ տեղերը կիսել են "վամպիրներ" Կսավյեր Սեմյուելը և Կելան Լատսը։

3-րդ տեղը զբաղեցրել է Իեն Սոմերհոլդերը, որը մարմնավորել է Դեյմոն Սալվատորեին՝ "Վամպիրի օրագրերը" հեռուստասերիալում։
Հետաքրքիր է, որ 2009թ. համեմատ 2010թ. պատկերը փոխվել է. օրինակ Դևիդ Բեքհեմը 4-րդ տեղից իջել է 21-րդ, Բրեդ Փիթը՝ 5-րդ-ից 33-րդ, իսկ Ջորջ Քլունին՝ 7-րդ-ից 35-րդ։

Շիրակի մարզի ընդհանուր իրավասության դատարանի որոշմամբ, 17-ամյա Տիգրան Թադեւոսյանին ծեծելով սպանելու համար Վալերի Աբրահամյանը դատապարտվել է 7 տարվա ազատազրկման: Երիտասարդին ծեծողները 4 հոգի են եղել:

Դատարանն ապացուցված է համարել մեղադրանքը, ըստ որի, նրանք առանձնակի դաժանությամբ Տ. Թադեւոսյանի առողջությանը ծանր վնաս են պատճառելը, որը հանգեցրել է մահվան:

Դեպքը տեղի է ունեցել 1,5 տարի առաջ, երբ 4 երիտասարդներ՝ Վալերի Աբրահամյանը, Սամվել Սարգսյանը, Սերգեյ Մխիթարյանն ու Էդգար Նազարյանը դաժան ծեծի են ենթարկել Թադեւոսյանին, քանի որ վերջինս ինտերնետային "ՕդնոկլասնիկÇ" սոցիալական ցանցում վատ հաղորդագրություն է գրել Լիդա Էդիգարյանին:

Մինչ այդ 4 երիտասարդներից եւս մեկը` Սամվել Սարգսյանը դատապարտվել է 8 տարվա ազատազրկման: Մյուս երկու երիտասարդները՝ Սերգեյ Մխիթարյանն ու Էդգար Նազարյանը հետախուզման մեջ են։