Գլխավոր » 2013 » Մարտ » 31 » «Երևան Ջուր»-ը նախատոնական օրով դադարեցրել է ջրամատակարարումը, իսկ թեժ գծի զանգերին էլ չեն պատասխանում
01:54 «Երևան Ջուր»-ը նախատոնական օրով դադարեցրել է ջրամատակարարումը, իսկ թեժ գծի զանգերին էլ չեն պատասխանում | |
Այսօր մոտ 18:00-ից սկսած մինչև այժմ ջրազրկված են Քանաքեռ-Զեյթուն համայնքի Սարկավագի փողոցի մի քանի շենքերը: Այսօր նախատոնական օր է, և ջրամատակարարման դադարը տևում է արդեն 6 ժամ: Կատարել եմ բազմաթիվ զանգեր 1-85 թեժ գծին. օպերատորին միանալը չի ստացվում ծանրաբեռնվածության պատճառով: Կատարել եմ բազմաթիվ զանգեր «Երևան ջուր» ընկերության Հասարակայնության հետ կապերի բաժնի հեռախոսահամարին, այն ևս չի աշխատում: Արդյունքում մի շարք բաժանորդներ կարևոր ժամանակահատվածում զրկվում են ջրամատակարարումից և չեն կարողանում ստանալ որևէ տեղեկատվություն: Սպառողների իրավունքները ոտնահարվում է. 1. Ընդհատվում է ջրամատակարարումը, որի համար բաժանորդը վճարում է: 2. Նախապես չի տեղեկացվում ջրանջատման մասին, որի համար ընկերությունը իր ներդրումային ծրագրով զգալի գումարներ է տրամադրում նախապես հեռախոսազանգով տեղեկացնելու գործընթացին: 3. Ծառայություն մատուցող ընկերությունը չի ապահովում տեղեկատվություն ստանալու պրոցեսը: Բաժանորդը հնարավորություն չի ստանում սահմանված միջոցներով, իր նախաձեռնությամբ տեղեկացվելու մատուցվող ծառայության խնդիրների մասին: 4. Ջրանջատման հետևանքով բաժանորդին ոչ մի փոխհատուցում չի տրամադրվում, ինչը եվրոպական երկրներում սահմանված է, իսկ "Երևան Ջուր" ընկերությունը ֆրանսիական "Veolia water" կազմակերպությունն է ներկայացնում: Հ.Գ. Ի դեպ "Երևան Ջուր" ընկերության թեժ գծի նման աշխատանքը նորություն չի, նախորդ ամիսներին բազմիցս համոզվել եմ դրանում. այն արդեն տարիների անգործության փորձ ունի:
| |
|