Արմեն Խաչիկյանի բլոգ

Միացյալ Նահանգների նախագահ Բարաք Օբաման ամերիկացիներին կոչ է անում իրենց հանգիստն անցկացնել նավթի արտահոսքից տուժած Ֆլորիդայի տարածքում, որպեսզի այդ նահանգի տնտեսությունը կրկին աշխուժանա:

Նախագահը հայտարարել է, որ Ֆլորիդայի լողափներն այժմ մաքուր և անվտանգ են, և որ Մեքսիկական ծոցը մաքրվել է նավթից: Ասածն ապացուցելու համար Օբաման իր դստեր հետ լողացել է Մեքսիկական ծոցում:

Նշենք, որ տուրիզմը Ֆլորիդայում եկամտի հիմնական աղբյուրներից է: Սակայն այս տարի նավթի արտահոսքի ու ջրի աղտոտման պատճառով այստեղ հանգստացողների թիվը նվազել է:

Օբաման նաև ասել է, որ կշարունակի ճնշում գործադրել British Petrolium ընկերության վրա և աջակցել գործարարներին, որոնց բիզնեսը տուժել է Մեքսիկական ծոցում նավթի արտահոսքի պատճառով: