Արմեն Խաչիկյանի բլոգ

Մոսկվայում հուլիսի 14-ին ձերբակալվել է «օրենքով գող» Կամո Եղիազարյանը, որը հայտնի է Կամո «Մոսկովսկի» մականունով։ Ինչպես հայտնում է Прайм-Крайм-ը, քրեական հեղինակության մոտ անձնական խուզարկության ժամանակ հայտնաբերվել է 8,35գ հերոին։
Ծնունդով Թբիլիսիից նախկինում դատված Կամո Եղիազարյանը 1975-ից բնակվում է Մոսկվայում և Ռուսաստանի մայրաքաղաքում ազգությամբ հայ ամենահայտնի օրենքով գողերից է։ Նա համարվում է «գողական» հին ավանդույթների կողմնակից և նախընտրում է չմիջամտել այնպիսի գործերի, որոնցում «մեծ փողեր» են պտտվում։ Եղիազարյանի գլխավորած հանցավոր խումբը զբաղվում է տարբեր տեսակի մեքենայություններով և տարբեր մակարդակի գործարարների միջև վիճելի հարցեր լուծելով։

Վերջին անգամ Կամոն քրեական պատասխանատվության է ենթարկվել 2004թ. դեկտեմբերին Մոսկվայի հայ ձեռնարկատերերից մեկից «Աուդի Ա8» ավտոմեքենան բացահայտ գողանալու համար։

Հուլիսի 15-ին՝ ժամը 12։30-ին, ոստիկանության Կենտրոնականի բաժնի ծառայողները օպերատիվ միջոցառումներ իրականացնելիս՝ գողություն կատարելու կասկածանքով բերման են ենթարկել «Գոլդեն թուլիփ» հյուրանոցի հավաքարար, 1965 թ. ծնված Մարինե Բ.-ին:

Պարզվել է, որ նա հուլիսի 2-ին՝ ժամը 13։00-ին, հյուրանոցի սենյակներից մեկից գաղտնի հափշտակել է Իտալիայի քաղաքացուհի, 1963 թ. ծնված Անտոնետա Ջ.-ի ոսկյա մատանին:

Գողոնն առգրավված է: Կատարվում է նախաքննություն։ Այս մասին հայտնում է ՀՀ ոստիկանությունը։

31-ամյա առողջ կնոջ սիրտը կանգնել է սեքս-խաղալիքի օգտագործման պահին: Մահացած Նիկոլ Պագինտոնի դիակը հայտնաբերվել է ընկերների կողմից՝ անգլիական Սիրենչեսթեր քաղաքի իր բնակարանում:

Ոստիկանության քննիչները դեպքի վայրում հայտնաբերել են նաեւ վիբրատորն ու համակարգիչը, որի վրա պոռնոգրաֆիկ հոլովակ էր միացված:

Պաթոլոգաանատոմ Ռիչարդ Ջոնսը սպանվածի դիահերձման ժամանակ որեւէ պաթոլոգիա չի հայտնաբերել:

Բժիշկների եւ քննիչների վարկածով՝ մահվան է հանգեցրել կնոջ էմոցիոնալ հոգեվիճակը:

Femen կանանց շարժման երկու ակտիվիստներ կիսամերկ վիճակում Կիևի հրապարակներից մեկի շատրվանների տակ լոգանք ընդունելու համար դատապարտվել են տուգանքի։

Ֆեմինիստուհիները դիմել են այդ քայլին՝ ի նշան Կիևում տաք ջրամատակարարման դադարեցման և կոմունալ ծառայությունների վարձավճարների բարձրացման դեմ բողոքի։

Ինչպես հայտնում է Интерфакс-ը, կիսամերկ աղջիկները լողանալիս պարզել են «Ջուր չկա ծորակում՝ լվացվում եմ Մայդանում» գրությամբ պաստառներ։

Ոստիկանները ձերբակալել են ակտիվիստներից երեքին։ Նրանցից մեկը միայն նախազգուշացում է ստացել ակցիայի անցկացման կանոնները խախտելու համար, իսկ մյուս երկուսը ստիպված կլինեն տուգանք վճարել։

Աշխարհի ամենաերջանիկ մարդիկ բնակվում են Սկանդինավյան երկրներում։ Gallup–ի իրականացրած համաշխարհային հարցման արդյունքում պարզվել է, որ ամենաերջանիկ երկրների առաջին հնգյակում են Ֆինլանդիան, Նորվեգիան, Շվեդիան, Նիդեռլանդները, ցանկը գլխավորում է Դանիան։

Հայաստանը 110–րդ հորիզոնականը կիսում է աֆրիկյան Նամիբիայի և Անգոլայի հետ, Ադրբեջանը, Թուրքիան և Ղրղըզստանը կիսում են 103–րդ տեղը, Վրաստանը՝ 115–րդ տեղում է։

Ինչպես գրում է Forbes–ը, բոլոր այս երկրներն ունեն բարեկեցության բարձր մակարդակ։ Աֆրիկայում ամենաերջանիկը մալավացիներն են։ ԱՄՆ–ը Ավստրիայի հետ կիսում է 14–րդ և 15–րդ տեղերը, Ճապոնիան 81–րդն է, Գերմանիան՝ 33–րդը, Ֆրանսիան՝ 44–րդը։ Հետաքրքիր է, որ Թուրքմենստանը զբաղեցրել է 18–րդ հորիզոնականը։ Ամենադժբախտ մարդիկ ապրում են Տոգոյում։

... Կարդալ շարունակությունը

Հայ տաքսիստը, որ պետք է աստղին օդանավակայանից տեղափոխեր հյուրանոց, ճանաչելով դերասանին, անմիջապես նրան հրավիրել է իր մոր տարեդարձին: Վանդամը լավ քեֆ է արել, ապա գնացել Սոչիի գիշերային ակումբներից մեկը, եւ հյուրանոց է ժամանել միայն առավոտյան 5-ին:

Կազմակերպիչների համար Վանդամի հայտնվելը լավ սրտահովանք է եղել: Նրանք ուղղակի տառապում էին աստղի կորստից, եւ նրան դիմավորել են մեծ ուրախությամբ:

Ուշագրավ է, որ հաջորդ իսկ օրը, երբ տաքսի էին ուղարկում օդանավակայան՝ դիմավորելու Ֆյոդոր Եմելյանենկոյին, կազմակերպիչներն, իմանալով, որ նույն հայի տաքսին է, ետ են կանչել նրան եւ ուղարկել ուրիշ մեքենա:

Քսանչորսամյա  Վահան Խալաֆյանը սպանվել է, քանի որ հրաժարվել է խոստովանական ցուցմունք տալ: Այս մասին գրում է «Հայկական ժամանակ» օրաթերթն իր հուլիսի 16-ի համարում՝ վկայակոչելով երեկ Կոտայքի մարզի ընդհանուր իրավասության դատարանում Խալաֆյանի գործով տեղի ունեցած դատական նիստը: Դատական նիստի ժամանակ Խալաֆյանի եղբայրը բացահայտել է տեղի ունեցածի պատճառը: Վահան Խալաֆյանի երկվորյակ եղբարը դատարանում ցուցմունք տալիս հայտարարել է, որ իր եղբորը ոստիկանություն տանելու եւ խոշտանգելով խոստովանական ցուցմունք կորզել փորձելու նպատակը եղել է այն, որ հետագայում ոստիկաններն իրենց ընտանիքից փող շորթեն, քանի որ Չարենցավանի ոստիկանությունում շատ լավ իմացել են իրենց ընտանիքի ֆինանսապես ապահովված լինելու մասին: Սակայն Վահան Խալաֆյանը չի կոտրվել, ինչի համար էլ նրան սպանել են:

Հիշեցնենք, որ Վահան Խալաֆյանը գողության կասկածանքով Չարենցավանի ոստիկանության բաժանմունք բերման էր ենթարկվել այս տարվա ապրիլի 13-ին։ Նույն օրը Խալաֆյանը հենց ոստիկանությունում մահացել էր։ Պաշտոնական վարկածի համաձայն՝ ոստիկանության բաժանմունքում խոշտանգման է ենթարկվել, ինչի  պատճառով դանակի միջոցով ինքնասպանություն է գործել։ Մինչդեռ  մահացածի հարազատները պնդում են, որ երիտասարդը սպանվել է ոստիկանների ձեռքով:

Նշենք ... Կարդալ շարունակությունը